Wanazuoni wa Kiislamu wahimizwa kukemea kuvunjiwa heshima matukufu ya Kiislamu

DOHA (IQNA) - Muungano wa Kimataifa wa Wanazuoni wa Kiislamu (IUMS) umetoa wito wa kuwepo kwa mahubiri ya kila wiki katika misikiti kulaani kitendo cha hivi karibuni cha kuteketeza moto Qur'ani Tukufu chini Uswidi.

"Kitendo hiki cha uhalifu cha chuki na uchochezi kinapingana na maadili yote, maadili, na kanuni za uvumilivu na heshima kwa matakatifu ya kidini ya wengine," ilisema taarifa ya IUMS, yenye makao yake makuu katika mji mkuu wa Qatar Doha.

Pia iliangazia tukio la hivi majuzi katika Ukingo wa Magharibi unaokaliwa kwa mabavu, ambapo walowezi wa Israel walipora kitabu kitakatifu cha Waislamu na kuharibu msikiti katika mji wa Urif.

"Kabla ya hapo, kulikuwa na katuni za kukera, kwa hivyo matakatifu yetu yote yamekiukwa bila majibu madhubuti kutoka kwa serikali na Waislamu," iliongeza.

Katika kukabiliana na matukio hayo, tamko hilo limewataka wanazuoni kuongeza ufahamu, kueneza elimu na kulinda matukufu ya Uislamu.

Imewataka wanazuoni wa Kiislamu kuhakikisha kuwa katika hotuba za  Ijumaa ya tarehe 7 Julai wanalaani vitendo hivi viovu na uhalifu wa kuchukiza, na kubainisha upinzani wao kwa kitendo chochote kinacholenga matukufu ya Waislamu sambamba na kusisitiza umuhimu wa Qur'ani Tukufu katika maisha ya Waislamu wote.

Aidha taarifa hiyo imesema serikali za nchi za Kiislamu zinapaswa "kuchukua hatua za kivitendo" dhidi ya vitendo kama hivyo, ikiwa ni pamoja na "vikwazo vya kidiplomasia na kiuchumi."

Pia nchi za Kiislamu zinapaswa kushirikiana na mashirika ya haki za binadamu kutunga sheria zinazoharamisha kashfa ya kidini, kisha kuwasilisha hatua kwa Umoja wa Mataifa kuzuia "uchokozi dhidi ya dini, kwani unadhoofisha usalama na amani ya kimataifa."

Taarifa hiyo pia ilitoa wito kwa Waislamu walio wachache kufanya "maandamano ya kistaarabu ya amani, kukimbilia mahakama, na kushirikiana na taasisi zinazoshirikiana na haki na uadilifu" katika suala hilo.

Wiki iliyopita, raia wa Uswidi mwenye asili ya Iraq chini ulinzi wa polisi, alichoma nakala ya kitabu kitakatifu cha Waislamu mbele ya msikiti wa Stockholm.

Kitendo hicho kilipangwa kwa makusudi ili sanjari na Eid al-Adha, sikukuu muhimu ya kidini ya Kiislamu inayoadhimishwa na Waislamu duniani kote.

Tukio hilo limezusha shutuma nyingi kutoka kwa nchi kadhaa, huku Jumuiya ya Ushirikiano wa Kiislamu ikitoa wito wa kuchukuliwa hatua za pamoja ili kuzuia vitendo hivyo.

3484232