Судури ҳукми додгоҳи Миср барои навозандае, ки бо мусиқӣ Қуръонро тиловат кард
Ба гузориши манобеи хабарӣ, қувваи қазоияи Миср якшанбе ҳукмеро алайҳи Аҳмад Ҳиҷозӣ, навознда, ба иттиҳоми «тавҳин ба адён» содир кард.
Ин навознда иқдом ба тиловати Қуръони Карим ҳамроҳ бо навохтани сози Авд карда буд.
Додгоҳи таҷдидиназари Ҷанҳа Нуза рӯзи якшанбе ҳукми 6 моҳ ҳабси таъзирӣ муттаҳамро ба иттиҳоми «иҳонат ба дин» содир кард, ки дарҳоли ҳозир ба сурати таълиқи аъмол мешавад.
Аз ин навозндаи мисрӣ клипе дар шабакаҳои иҷтимоӣ даст ба даст мешавад, ки Қуръонро бо оҳанги соз Авд тиловат мекунад ва интиқодҳои густурдаеро дарпай доштааст. Мунтақидон ин корро масхара кардани Қуръон донистаанд.
Ба гузориши расонаҳои Миср, додситон ин муттаҳамро ба иртикоби ҷурми «тавҳин ба дини Ислом аз тариқи тағйири шакли Қуръон ва шабеҳсозии он ба тарона» муттаҳам кард.
Вакили додгустарие, ки аз муттаҳам дар ин хусус шикоят кардааст, гуфт: муттаҳам бо табдили китоби осмонӣ ба мусиқӣ ба зоти илоҳӣ тавҳин кард ва бо аъмоли худ хашми мусулмононро барангехт ва ба хушунат доман зад.
Ин навозндаи мисрӣ дар матне ба манзури узрхоҳӣ бобати коре, ки анҷом додааст, навишт: Ман аз ҳамаи касоне, ки ба Қуръони Карим аҳамият медиҳанд ва нисбат ба он ҳассос ҳастанд, ба вижа шайхи Ал-Азҳар, ниҳоди қориёни Қуръони Карим ва тамоми мусулмонони ҷаҳон бобати иштибоҳе, ки муртакиб шудаам, узрхоҳӣ мекунам.
Вай афзуд: тасдиқ мекунам, ки Қуръони Карим дорои қидосат ва каромат ва азамат аст, Қуръон каломи Худованди мутаол ва қонуни асосии осмонӣ ва эъҷози мост. Қасди ман ба ҳеҷ ваҷҳ он чизе, ки дар шабакаҳои иҷтимоӣ мунташир шуда, набудааст.
