Anatafuta kukomesha orodha ya ugaidi ya serikali ya shirikisho ambayo hapo awali alisema inalenga Waislamu bila haki- ikiwa ni pamoja na yeye mwenyewe katika majira ya joto wakati alipozuiwa kuingia katika Ikulu ya White House.
Maelezo zaidi ya pingamizi la kisheria la Meya wa Prospect Park, Mohamed Khairullah, yanatarajiwa kutangazwa Jumatatu, wakati mawakili watakapopanga kuwasilisha kesi hiyo.
Khairullah, ambaye alikimbia nchi yake ya asili ya Syria na kuelekea New Jersey mwaka 1980, alikataliwa ghafla kuingia katika hafla ya Ikulu mapema mwaka huu kusherehekea sikukuu ya Waislamu ya Eid al-Fitr baada ya kitengo cha ulinzi wa rais kinachojulikana kama Huduma ya Siri. Khairullah - Meya Muislamu aliyekaa muda mrefu zaidi mjini New Jersey - amesema anaamini kuwa jina lake linadaiwa kuwa katika orodha ya serikali ya magaidi na amesema kwamba hakuwa na "utaratibu wa kulisafisha jina langu."
Ikulu ya White House imesema maoni kuhusu tukio hilo yanapaswa kutolewa na Huduma ya Siri. Idara hiyo ya ulinzi wa rais ilithibitisha kuwa meya huyo alikataliwa kuingia kwenye hafla hiyo - ambapo Rais Joe Biden alihudhuria - lakini imekataa maoni zaidi, ikitaja sababu za usalama.
Kesi hiyo ilitangazwa na Baraza la Uhusiano wa Marekani na Uislamu (CAIR), shirika kubwa zaidi la haki za kiraia la Waislamu katika taifa hilo, na inatarajiwa kujumuisha walalamikaji kumi na wawili, wakiwemo kutoka Massachusetts, Michigan na Washington, D.C. CAIR iliwasilisha kesi kama hiyo siku za nyuma kupinga orodha ya washukiwa aa ugaidi, ambayo pia inajulikana kama Hifadhidata ya Uchunguzi wa Ugaidi. Jaji wa shirikisho aliamua mnamo 2019 kwamba orodha hiyo ilikiuka haki za Wamarekani waliokuwamo, ingawa mahakama ya rufaa ya shirikisho iliidhinisha orodha hiyo mnamo 2021.
Kulingana na tovuti ya FBI, watu wengi walio kwenye orodha ya wanaofuatilia si Wamarekani na kujumuishwa kwenye orodha hakuwezi kutokana na rangi, dini, imani zinazolindwa na katiba.
Khairullah amesema "usumbufu na unyanyasaji huo si jambo la kawaida" kwake. Mnamo mwaka wa 2019, Khairullah alisema alizuiliwa kwa saa nyingi kwenye Uwanja wa Ndege wa Kimataifa wa JFK huko New York na kuulizwa ikiwa anajua magaidi wowote na akalazimika kupeana simu yake ikaguliwe. Lakini alisema amekuwa Ikulu ya White House hapo awali bila shida.