Addu'o'in yara masu koyan kur'ani na Libya ga wadanda ambaliyar ruwa ta shafa
Kamfanin dillancin labaran kur’ani na iqna ya habarta cewa, ya nakalto daga shafin sadarwa na yanar gizo na Tawassul cewa, bidiyon hadin kan yara kanana a wani taron kur’ani da aka gudanar a birnin Misrata na kasar Libya tare da wadanda ambaliyar ruwa ta shafa a birnin Darna na kasar ya samu kulawa sosai daga masu amfani da shafukan sada zumunta.
A cikin wannan faifan bidiyo, dimbin yara da suka halarci taron kur'ani a birnin Misrata na kasar Libya, sun yi addu'a ga wadanda ambaliyar ruwa ta shafa a birnin Darna na kasar nan.
Bidiyon ya kuma nuna malamin yaran yana addu'a ga wadanda abin ya shafa.
A cewar Majalisar Dinkin Duniya, bayan ambaliyar ruwa da ta afku a kasar Libya, sama da mutane 40,000 ne suka rasa muhallansu daga arewa maso gabashin kasar ta Libiya sakamakon ambaliyar.
Ofishin kula da ayyukan jin kai na Majalisar Dinkin Duniya ya sanar da cewa, ambaliyar ruwa da ta afku a Darna ta kai mutane dubu 11 da 300 sannan adadin wadanda suka bata ya kai 10,000.
Kakakin hukumar agajin gaggawa a kasar Libya ya kuma sanar da bukatar karin motoci don jigilar gawarwaki da wadanda wannan mummunan hatsarin ya rutsa da su.
