د فلسطین له ملت سره د اهل تشیّع په ملګرتیااو پیوستون کې د حسن نصر الله په زړه پورې وینا(فیلم)
ایکنا نیوز راپور ورکوي،د لبنان د حزب الله ولسی غورځنګ عمومی منشي سیدحسن نصرالله په یوې وحدت راپنځونکي او طوفاني وینا کې روښانه کوي؛استعماري حکومتونه مونږ ته وائي،رافضي، مونږ ته وائي ،ترهه ګر،مونږ ته وائي مجرم،خو باید ټول دې پوهه شي،چې مونږ د علی ابن ابی طالب علیه السلام شیعیان به فلسطین هیڅکله هم یوازې پرې نږدو.
د لبنان د حزب لله ولسی غورځنګ عمومی منشي سید حسن نصرالله ډير مخکې پخپلې یوې په زړه پورې وینا کې هغه مهال،چې لا د فلسطین د مقاومتي مبارزانو او ددنیا د پتمنو مبارزانو ترمینځ دومره یووالی او پيوستون نه درلود، ددنیا استعماري او استکباري قدرتونو او دهغوي ټولو تالی څټو ته چې د اسلامی امت د ویشلو او د شیعه او سني ترمینځ ئې اختلافاتو ته لمن وهله وئيلی وو چې د علی ابن ابی طالب شیعیان به هیڅکله هم د فلسطین مظلوم ولس یوازې پرې نږدي او دوي سره به مټ په مټ جنګیږي،څو د دوي لومړني حقوق او خپل ټاټوبی بیرته ونه ګرځول شي.
ایکنانیوز د سید حسن نصر الله دغه ویډیوئي کلیپ ستاسو خدمت ته هم وړاندې کوي.
