د کربلا جایزې د قرآني نړیوالو سیالیو نهائي نتیجې اعلان شوې
له کربلا معلی د ایکنا خبریال راپور راکړ،د کربلا د جایزې قرآني نړیوالو سیالیو دوهم پړاؤ چې د چنګاښ دمیاشتې په اتلسمه نیټه پیل شوې وې ،نن د حسینی مقدس حرم په صحن کې له نهائي نتیجو اعلان وروسته پاي ته ورسیدې چې د نتیجو په اساس ئې ایراني نمایندګاه ځلیدلي دي.
د قاضیانو د پلاوي دفیصلې په اساس دقرآن کریم د قرائت په برخې کې د حسینی مقدس آستان څخه سید عبدالله زخیر الحسینی لومړی مقام ، د حضرت بی بی معصومه (س) له مقدس آستان څخه مهدي تقي پوردوهم مقام د قزوین دسید حسین بن علی بن موسی الرضا د مقدس آستان څهه مصطفی حسینی دریم مقام ، دجمکران جومات شیخ میثم حمیدي څلورم مقام او د افغانستان د مزارشریف اویس احمدیان پنځم مقام ګټلی دی.
همداراز د قرآن د حفظ په برخې کې دقدس رضوي آستان محمد خاکپور لومړی مقام ، د جمکران جومات احمد معتمدي دوهم مقام ، د حضرت بی بی معصومه (س) محمد رضا احمدي دریم مقام، د افغانستان د مزارشریف مهدی مظفري څلورم مقام او د علوي مقدس آستان علی اصغر شهید المنصوري هم پنځم مقام ګټلی دی .
دغه راز ددغو نتیجو په اعلان پسې د کربلاجایزې د قرآني نړیوالو سیالیو دوهم پړاؤ هم پاي ته ورسید.
