Allaha yaxınlaşmaq üçün ən yaxşı vasitə
Dünyadakı bütün nemətlərin mənbəyi Allah olduğu üçün insan istəklərinə çatmağı Ondan istəməlidir. Dini mənbələrə görə Allahdan bir şey istəməyin ən yaxşı yolu Qurani-Kərimdir.
Bir şey istəmək ehtiyacları ödəməyin bir yoludur. Amma diqqətli olmaq lazımdır ki, o, kimdən və niyə istəyir. Bəşəriyyətin bütün ehtiyaclarını bilən və onları yerinə yetirən yeganə Allahdır. Əgər Allah bir şeyin olmasını istəmirsə, baş verməyəcək, yer üzündəki bütün insanlar onu həll etməyə çalışsalar belə, problem həll edilməyəcək.
İmam Əli (ə) “Nəhcül-bəlağə”nin 176-cı xütbəsində buyurur: “Onun vasitəsilə Allaha dua edin və onun sevgisi ilə Allaha tərəf dönün. Onun vasitəsilə xalqdan istəməyin. İnsanların Uca Allaha üz tutmasına bənzər bir şey yoxdur”.
Ayətullah Nasir Məkarim Şriazi xütbənin bu hissəsini izah edərək yazır: İmam Əli (ə) bizə Quran vasitəsilə ehtiyacımızı Allahdan istəməyi əmr edir. Bunun mənası budur ki, varlığımızı Quranın təlimləri və hidayətləri ilə bəzəməli və bizə verilməsini istədiklərimizə hazırlaşmalıyıq. Biz də Qurana sevgi ilə müraciət etməliyik, çünki Quranı sevən hər kəs onun göstərişlərinə əməl edəcək və bu yolla Allaha doğru yönələcək.
