Fələstində vətənpərvərliyi xəttatlıqla göstərən Sahir Kəbi
"İQNA", xəbər verir ki, fələstinli sənətkar Sahir Nasir Sədan ibn Kəbinin əsərləri ərəb xəttatlığı yolunda öz bacarıqlarını gücləndirmək, yeniliklər və təcrübələr aparmaq üçün davamlı axtarışlar etdiyini göstərir. Bu sənətkarın əsərlərini təqlid və ənənəvi sənətlər kateqoriyalarına bölmək olmaz. O, daim yeni əsərlər yaratmağa, ərəb xəttatlığında ənənəvi söz və sətirlər arasındakı əlaqəni vizual birləşmələrlə göstərməyə çalışır.
Sahir həmçinin bir çox bədii alətlərdən və xəttatlıq üsullarından istifadə edir. Həmçinin dini və müqəddəs mətnlərdən, ərəb mədəniyyəti və ədəbiyyatından, Fələstinin milli şifahi irsindən ilham alır. Onun əsərləri arasında Quran ayələrinin xəttatlığı, Peyğəmbərin (s) hədisləri, ərəb və Fələstin ədəbiyyatının şeirləri də var.
O, rəsmlərinin birində İmam Şafiinin (əhli-sünnə alimlərindən biri) məşhur şerini yazmışdır ki, şer mənası belədir: "Qoy zaman istədiyini etsin. Qəza-Qədərin hökmündən şad ol”.
Bu müsəlman sənətkar rəsmlərini qədim xəttatlıq üslubunda çəkir. Bu xəttatlıq və rəsm əsərlərinin əlaqəli toplusudur.
O, həmçinin BƏƏ-dən olan şair Səqr ibn Sultan Əl Qasiminin Fələstini və fələstinliləri mədh edən şeirlərindən ibarət rəsm çəkib.
O, xəttatlıq sənətində Fələstinin milli rəmzlərindən də istifadə edir. Fələstinli şair Mahmud Dərvişin vətənpərvərlik, kimlik və dil mövzusunda olan şeir və qəsidələrini də xəttatlıq etmişdir. Bu şairin vətən “Dil kimi irsdir" qəsidəsini də gözəl şəkildə yazmışdır. O, rəsminin böyük bir hissəsini vətən sözünə həsr etmişdir. Bu məsələ tamaşaçıda kimliyin iki əsas elementi kimi torpaq və ana vətən və dil və torpaq anlayışını daha da gücləndirib.
Sahir Əl-Kəbinin rəsmlərində rəng də var. O, Mahmud Dərvişin şeirində vətən sözünü qara, digər sözləri isə qırmızı rənglə yazıb.
